محتويات الموضوع
بقلم: داليا بكر
الحيوانات الأليفة.. لما تلاقي قطه او كلب متترددش تكسب فيهم ثواب ( مقال للكاتبة داليا بكر )
إن الله إذا أحب عبدا رزقه لين القلب .. جملة جميلة اعتادنا نسمعها كتير..لكن في الحقيقة كتير مننا مجربش يحس بيها.
جربت تربي حيوان أليف تبقي أنت كله عالمه الخاص ويقدملك كل الحب والوفاء والإخلاص
لما تربي حيوان أليف ( قطة أو كلب ) هتلاقي قلبك بيدوب من حبك ليهم ورحمتك بيهم هتلاقي نفسك بتحب كل قطة وكلب فالشارع عشان خلاص حسيت بيهم وبحبهم ليك
تعرف إن إطعامك ليهم صدقة .. تخيل لقمة بسيطة من باقي أكلك هتكون سبب نجاة ليك .. وكل شربة ماء ليهم بتكون سبب رزق كبير ليك
صغائر المعروف تقي مصارع السوء
لما تلاقي قطة أو كلب في الشارع متترددش إنك تكسب الثواب والهدية اللي ربنا بعتهالك وتحطلهم ماية أو أكل حاجة بسيطة بس كبيرة أوي عند ربنا وهتفرق كتير
عن رسول الله (صل الله عليه وسلم )
بينما رجل يمشى فاشتد عليه العطش فنزل بئراً فشرب منها، ثم خرج فإذا هو بكلب يلهث، يأكل الثرى من شدة العطش قال: لقد بلغ هذا الكلب مثل الذي بلغ بي، فملأ خفه، ثم أمسكه بفيه، ثم رقي، فسقى الكلب ! فشكر الله له، فغفر له
ربوا أولادكم علي الرحمة وحب الحيوان علموهم الرفق واللين .. علموهم الرحمة مع كل شئ يتنفس سواء كان إنسان أو حيوان أو نبات
الرحمة هي أساس الحياة …. إرحم ترحم ❤
