بقلم : نشأت خضرجى
انا مش جبل
انا مش حجر
واقف قصاد الريح
ماسك ف ايدى شراع
ف عز الخطر
و بحابى ع البشر
قلبى انفطر….
******
سيبونى بس أعيش
أعانى
مبشتكيش
و بدراى
يابشر
ياصخر
ياشر و انتشر
جوايا مر
خايف ينفجر
ياريته يعدى و يمر
*******
أنا مش ح كِل
أنا مش ح مِل
حلمى بطل
جرىء و خيال
فارس…
و لايمكن يتقتل
*******
ف قلبى حب كبير
زى المطر
زرعى بيطرح خير
فارد فى الهوا عودو
ولا عمرة مرة
يميل
و لاينكسر
ويا الريح
ف الأرض
مادد اصلة
و اُوصولة
لجدودة
بضحك فى وش الناس
بدارى الدمع ف عيونى
ولو سألونى
أقول أهو قدر…
*****
و أيام و بتعدى
عندى أمل
لا ف يوم
ح اجرح حد
مهما حصل
مهما حصل
مهما حصل
من خلال « موقع تفسير »، تابع جميع المواضيع التي تهمك والشعر العربي.
