وقالوا النظرة بتوصل
في عمق عينيها للبدايات
و توب الصدق متفصل
لـ خصر الضحكة جوز عبايات
وان الخطوة محسوبه بمد الشوف
وكف إيديها لو سلم يـ نز حروف
وان رموشها في الغالب
قواعد روڤ
مفيش بين السما وبينه سبع سماوات
وان الطله لو طلت سفر لبعيد
وترمي الكلمة تتردد كأنه نشيد
وان الشوق علي أكتافها حمام و يمام
بيسمع حس أنفسها يوماتى يزيد
وان لقلبها صطوه وجيش دقات
كواكب دايره في مواكب ولو ضاق أت
سبع لفات انا وهي علي غيه
وانا ما أملكش غير نيه بسبع لاءأاات
عظيم العشق لو أثمر وجاب عناقيد
وايد الود بتحرر وايد بتإيد
شموع العشق من شوقها
بتخنقها
دموع الغش لو حنت
لصطوة قيد
فلو كان لي في هواك منصر
وشجرة توت
وطارحه من الغرام فضة وراميه ياقوت
شروط قولناها م الأول علشان نبعد
يكون عندك سبب أقوي كمان م الموت
#سبع_لاءاااات
