#ملحمة_جهينه
من صلب قلب عرب الجزيره أتينا
فرسان شجعان وسيوف ف إيدينا
قرأن فى الراس والنصر فى عنينا
حافظيين فى الدين وف سنة نبينا
ياجهينه يازينه وفخر لينا وكرامه
يامدينه. أمنه وأمينه ليوم القيامه
إبنك بيزقى عداكى المرار والندامه
يسافر يعافر وييجى بغنيمه وسلامه
اربع ارباع جهينه اوساع وجبهات
الربع .عقد نازله منه عشر جوهارات
دا ف القبلى .لكن بحرى السبع نزات
كبار بلاد.. وناس اسياد المحافظات
ناس بنى رماد.. سادو العباد بالكرم
بين الناس ..لينا مقاس عالى كالهرم
وضع ومكانه… واسم وحصانه وعلم
قايدين النار.. حاميين الجار م القدم
وربع أولاد احمد ….فى الشده يصمد
اسد همام ..زند وحسام و الكل يشهد
حصن وأمان… و للغلبان ..عمل مقعد
أسد كاسر…وفى المخاطر يهد يحصد
واصحاب الاساس. كالماس. الخبايره
دول الناس …اللى ليهم سمعه طايره
قول موزون…. شمس ف الكون نايره
ناس تعمر ..سلاح يدمر ..حرب دايره
وحسام الدين…… دا من سنين مشهور
اصحاب تجاره ..وبالشطاره بنو قصور
عمده بحصان…… وفى البرلمان له دور
وزير ومستشار.. وضرب نار وليهم نور
واسمع لقولى…. على النزات….. بالنزه
فى ساعة المرجله …….اسود ليهم فزه
واللى اساسه ضعيف …وشجرته مهتزه
ما يقعد بين الناس.. ويحكى على العزه
قالو الدقيشى …دا كان جيشى.. ومدفع
فى ساعة الغواير ..يواجه يناور. ويدفع
هجوم الاعادى….. ويحمى.. بلادى ويمنع
حصونى الابيه… فشمسي البهيه بتسطع
يانزه ياحاجر ….يابلد الاكابر …يامصنع
بيصنع رجوله… ويكتب بطوله …ويرفع
مسيحى مسلم ….للفتنه يهدم ….ويمنع
صليب هلال ..حضنو العيال..الكل يجمع
وناس المحزمين دول جدعان معروفين
تبص تلاقيهم ……زي الجمال المولدين
حديد فلاز .و افزاز. و كرام عزاز غاليين
منظر جميل معدن اصيل مش مغشوشين
والفخر كله يعيش….جواكى يانزه الهيش
تحب الكرامه وتعز الشهامه ولقمة العيش
رجال شجاعه …من عهد الرضاعه وجيش
أللفين سنه. عز وهنا. والراس ماتطاطيش
وكل ذره فى ترابك ياجهورية مصر مرويه
بروح شهيد واد دمه حديد من نزه البحريه
باع شبابه وفارق صحابه واشترالنا الحريه
كان البطوله والفداء وأجاب نداء رب البريه
وفخر نزله على أشراف و أولاد الولى دحيه
ليه اثاره ماذالت داخل مدينة النبى صاحيه
على شكله جبريل نزل والخير وصل للناحيه
هما أبرار أطهار قلوبهم عمار وبالايمان تحيا
رجال اعمال فى عزم الجبال ياطليحات
عالصعاب بتدوس وريال وين و دولارات
بنا وتعمير والحديد يصير لين ليه طيات
عز وكرامه وشيوخ بعمامه ليهم كرامات
وعنيبس دوله فى دوله وعزم رجالها كبير
عصرو القصب وعملو وجع الغربه عصير
شداد وحرارة عزيمتهم منها الشمس تغير
أحرار ومن نظرة عينهم سبع الفلا بيطير
ياللى ما تعرفنا تعالى أسمع وفتح شوف
إحنا رجال جهينه تحدينا اقوى ظروف
خلينا الصحرا تغنى وفيها الزرع صفوف
وياما أيام رقّصنا قلوب اعادينا م الخوف
#شحاته_على_أبودِرب
