قلب أمي دا بيت كبير .
والبيت دا شايل جواه كتير .
والبيت دا كله . دا كله خير .
قلب أمي خيط حرير .
قلب أمي ليله هوا في يوم خريف.
ليله دفا في منتصف أمشير .
وأنتي ي أمي أفضل من كل الكلام
من كل السكوت .
بتشبهي البيوت وقت الشتاء .
بتشبهي الورود وقت النسيم .
وأنا ي أمي كنت من كام سنه أرض بور .
وارتويت بيكي .
قوليلي ازاي قلبك كده خالي من الغيوم .
أحياناً بحسه يشبه السكون .
قلبك ي أمي .. قلبك ي أمي
ملوش مثيل .. ملوش بديل
