قصيده بعنوان
(دين وبيترد؟!!!)
إل مترضهوش
على نفسك
ليه على غيرك
ترضى بيه
لو لاقي نفسك
إنك تمام والحياة
حلوه وجميله
في حياتك
الدنيا مش
باقيه زي ما
كنت راضي
إنك تطعنه
في ضهره
بكلامك السم
برضو عليك
أسوأ كلام
في ضهرك
هتلاقيه
وإل حرضك على
على فعل شين
وعملته النهارده
هايجي
يوم بالكتيره خالص
بعد فترة
هايترد فيك وفيه
دا دين
لازم تسده
وإنت بغباوتك
دين ناسيه
بس لما يجي وترده
بياخد كل حاجه
عندك وترجع
على الحديده
صفر اليدين
ساعتها هل
ممكن يفيد
ندمك ودموعك
على خدودك
وإنت نايم
على فراش
مرضك وهتلاقي
إيده تتمد ليك
أو تتمنى إنه
يسامحك
تتخيل وتتصور
إن ممكن
تبوس إيديه
إل مترضهوش
على نفسك
ليه على غيرك
ترضى بيه
وليه ما يفضلش
الحب بينا
حب حقيقي
لو سألت نفسك
سؤال إل قبلك
لما مات
خد في كفنه
قول لي إنت
خد في كفنه
قول لي إيه
غير عمله
وإل قدمه في
حياته طبعا
صلاته برضو
وذنوبه وصدقه
جاريه كانت ليه
تبقى فاكر
إنك شاطر
بالشطاره والفكاكه
والحداقه
تطمع في شيئ
مش ليك
لما بيجي الطوفان
يا إبن آدم
يا إبن أمي وأبوي
وصاحبي وصديقي
بيكتسح كل
حاجه قدامه
وبالأرض بيساويه
وإل باقي هو
حبك لأخوك
وإن كانت أختك
ودرس تشرحه
لإبنك من بعدك
وتوعييه
إل مترضهوش
على نفسك
إزاي على غيرك
ترضى بيه
طبعا وبدون
فلسفه زي ما قلت
الكلام في،
قصيدتي ليك
وأقصدك إنت
وغيرك
أمنيتي زي
ما نصحتك
برضو أنصح نفسي
وإبني قبل موتي
أنصحه وأعطيه
دروس وأوعييه
لكن ياريت
ثم ياريت
تاخد كلامي
على محمل الجد
وجد جدا
مش هزل
ومن ورا ضهرك
تنفض ودانك
وتروح راميه
بقلم (الشاعر.خيرى حسنى..)
