قصيده بعنوان
(نقطه؟؟؟؟؟!)
نقطه ومن
أول السطر
الكتابه والكلام
والحروف والمعاني
وبيوت الشعر
في القصيده
لما تتنازلوا وتقرأوها
طبعا مش عليكم
تبقى حكر
إقرأها بشوية
ضمير خدها
كلمه كلمه
وسطر سطر
أو مر عليها
مر الكرام عادي
جدا كأنك
راكب فيها
باص أو بالكتير
يبقى قطر
يكفيك شرف
المحاوله
ووجودك لكن
أرجوك لو تعلق
حذاري من النفاق
وأي مكر
أنا لما كتبت
الحروف من معاني
كنت قاصد
وكنت عاني
لأنها نشأت من
الظروف إل عيشت
فيها بعاني
بعاني من الحياة
إل طول عمري
بفتش على
طوق للنجاة
كنت بأحلم
إن أكون
إنسان يشار
إليه بالبنان
مرموق بحبة
تواضع كافي
خيري وشري
صالح وعالم
زماني وكنت
بحلم بالأماني
بيقولو لي
خليك طموح
خليك صبور
يمكن في لحظه
تنقلب الساعه
إل ثواني
مابين طرفة
عين وإنتباهتها
ربك قادر وعالي
بيقلب العالي
لداني تبقى
تحت في مره
وألف مره
تبقى فوق
مؤثث فيها
وباني
وليك قلب
واسع يضم
العالم وحاني
فيها يتغير
من حال لحال
تزرع الزرعه
بإيديك تشوف
ثمرها بأم عينك
تدخل الفرحه
لقلبك تنعشك
بحبة سعاده
تكشف وشك
بالإبستامه وتبان
الضحكه على
وجهك علامه
ويدخل السرور
جوا بيتك
بدل الهدم
وخرابه تبقى
رافع راسك لفوق
مش تنعكس
الآيه عليك
تبقى مجني
وتبقى جاني
نقطه ومن
أول السطر
الحب مهما
إنقل خيره
أكيد لسه باقي له
جذور ناقص له
تربه صالحه
وواحد يعرف
الحق طيب
القلب بضمير
يقوم برعايته
ويديره
وإيه يفيد لسان
معسول بحبة
بكلام وفي
الآخر ماشي
في خط
سيره خايف
على إبني إل
جاي
هوإيه يكون
إمتداده
وإيه نهايته
ومصيره
نقطه ومن
أول السطر
بقلم ✍️(الشاعر.خيرى حسنى..)
