قصيده بعنوان
(كنت نفسي؟؟؟؟!)
كنت نفسي تكون
معاي النهارده
محتاجك كتير
كنت لما تكون
بتدعي …..
كنت بتدعي
لي بضمير
النهارده الدنيا في
وشي سوده
معدش فيها خير
وإل كنت بقول
أخوي إداني ضهره
وعاد لوحده
خط سير
كنت نفسي
تكون معاي
كان وجودك رغم
مرضك ورغم ألمك
ماكنت حامل للدنيا
هم كنت عارف
لما كانت تضيق
في وشي كنت
تدعي كان دعاءك
يزيح عني أي
غم لما كنت تقول
يارب فرج الكرب
عن إبني كنت
ألاقي الخير في
إيدي وحاسس
إني في السما
بطير……….
واللقمه في
فمي ليه طعم
حتى لو كانت فيها
سم لكن الموت
فينا أمر
حاتم مكتوب
علينا مش بيفرق
طول العمر
أو كان السن
كم …….
ألف رحمة ونور
توصل إليك
كنت لما
أحتاج لحاجه
كنت أجيلك أبوس
إيديك كنت تطبطب
علي وتقول لي
روح وأنا راضي
عنك وإبقى طمني
عليك ولما تيجي
من الغربه
إل إنت فيها
إبقى زرني
هاتلاقينى
في إنتظارك
قاعد وسامعك
جوا قبري
ولما تحب تشكي
همك قول يارب
هو أولى بيك
يا إبني وقول
إرزقني بعد
صبري هايسمع
ليك دعاك
مهما عليك
الدنيا تقسى
قول يارب
ماليش غيرك
سواك ……
كنت نفسي
تكون معاي
النهارده محتاج
إليك
(ترنيمات وخواطر.بقلم)
(الشاعر. خيرى حسنى..)
