بقلم: نشأت خضرجى
براضيكى … تفارقينى
ف قربك
شغلانى
محيرانى
مغيرانى
لإنسان تانى
و من خيالى
بعتلك الف مرسال
لية مش عايزه تقابلينى
يمكن تسامحينى
آه لو تعرفى
عندى الف عذر
من خوفى
بحابى عليكى
من خيالك
من دلالك
من وحدتك
ادام مرايتك
و قصادى بدارى عليكى
لو ف ايدى
اجيب نجوم السما
شموع تنور حياة ليلك
دنيا خيالك دنيتى ملهاش حدود
أنا موعود
ف يوم اكيد حيعود
يا زهرة جميلة
بألف لون
واقفة على عود
ويا أجمل الألحان
من خلال « موقع تفسير »، تابع جميع المواضيع التي تهمك والشعر العربي.
