ما تضيعش وقت قصيدة للشاعر عادل عوف

ماتضيعش وقت
……………..

ماتضيعش وقت
مع اللي باع و سابك
وإن سهم الوحده نشن
علي قلبك و صابك
افضل من وقت ضايع
في تلوين الطبايع
تتحايل علي اللي بياع
وتبكي علي اللي نابك

صدقني مايستاهلش
تفكر فيه بقرش
و بربع جنيه كرامة
إنسي و رد بابك

الطبع فيه و غالب
مهما قال و إعتذر
د اللي قلبه بمخالب
عامله بحِرسْ وحذر
صدقني ما يتأمنش
وكلامه ماينضمنش
في طرفة عين و رمش
قلبك يبقي في خطر